កម្រិតរំហូរធម្មជាតិ និងការបញ្ចេញទឹកទំនប់វារីអគ្គិសនី មានកម្រិត ខ្ពស់ រួមចំណែកដល់រំហូរទឹកទន្លេមេគង្គរដូវប្រាំងក្នុងកម្រិតខ្ពស់ប្រចាំឆ្នាំ២០២៦។

បរិមាណទឹក ដែលលើសប្រមាណ ៨៥ ពាន់លានម៉ែត្រគូប ដែលជាបរិមាណទឹកខ្ពស់បំផុតនាប៉ុន្មានឆ្នាំថ្មីៗនេះ បណ្តាលមកពីការរួមចំណែកពីរំហូរធម្មជាតិក្នុងកម្រិតខ្ពស់ (៥៧ ពាន់លានម៉ែត្រគូប) និង ការបញ្ចេញទឹកពីទំនប់វារីអគ្គិសនីក្នុងកម្រិតខ្ពស់ (២៨ ពាន់លានម៉ែត្រគូប)។ ការបញ្ចេញទឹក របស់ទំនប់ពីប្រទេសចិន គឺជាការបញ្ចេញទឹកដ៏ច្រើនបំផុតក្នុងរយៈពេល៥ឆ្នាំចុងក្រោយនេះ ជាមួយបរិមាណទឹក ១២,៥ ពាន់លានម៉ែត្រគូប ពីទំនប់នានា ដើម្បីផលិតថាមពលក្នុងចន្លោះ ពីខែធ្នូ និងឧសភា។ ទំនប់ធំៗជាច្រើន ដែលមានទីតាំងស្ថិតនៅក្នុងតំបន់ភាគកណ្តាល ប្រទេសឡាវ មានដូចជាទំនប់ Nam Ngum ១–២, ទំនប់ Nam Theun ២, ទំនប់ Theun Hinboun Expansion ក៏បានបញ្ចេញទឹកក្នុងបរិមាណច្រើន (៩,៧ ពាន់លានម៉ែត្រគូប) សម្រាប់ផលិត ថាមពលអគ្គិសនីផងដែរ។ ការបញ្ចេញទឹកក្នុងបរិមាណដ៏ច្រើនបែបនេះ ទំនងជាបណ្តាលមកពី ទឹកភ្លៀងរដូវវស្សាក្នុងឆ្នាំ២០២៥ ដែលបានបំពេញទឹកក្នុងអាង និងក៏បណ្តាលមកពីវិបត្តិ ថាមពលនៃការបិទច្រក Hormuz ផងដែរ។ ការបញ្ចេញទឹកទាំងនេះ បូករួមទាំងរំហូរធម្មជាតិ ក្នុងកម្រិតខ្ពស់ ដែលរំហូរទឹកភាគច្រើនទទួលបានពីបរិមាណទឹកនៅក្នុងខែធ្នូ (ឆ្នាំ២០២៥) ខែមករា និងខែកុម្ភៈ ដែលហូរមកពីអាងទន្លេ៣ ក្នុងប្រទេសឡាវ និងវៀតណាម  រួមចំណែក ធ្វើឱ្យទន្លេមេគង្គមានកម្រិតទឹកខ្ពស់ ពេញមួយរដូវប្រាំង។ ទឹកទន្លេដែលមានកម្រិតខ្ពស់ បង្កើតហានិភ័យដល់ជីវសាស្ត្រទូទាំងអាងទន្លេ និងបង្ការមិនឱ្យធនធានធម្មជាតិបានទៅដល់ សហគមន៍ ដែលពឹងផ្អែកលើកម្រិតទឹកទាបរដូវប្រាំង។